„ნაპოლისთან“ მატჩის შემდეგ „ნაპოლისთან“ მატჩამდე „მილანი“ სერია A-ს 30-ე ტურში „ბოლონიას“ ესტუმრა და მორიგი 2 მნიშვნელოვანი ქულა დაკარგა.
იტალიური მედიის ვარაუდი გამართლდა: სტეფანო პიოლიმ ძირითად შემადგენლობაში 10 ფეხბურთელი შეცვალა! მაიკ მენიოს გარდა, მან ყველა დაასვენა, ვისაც „ნაპოლისთან“ სასტარტოში განიხილავს. ოღონდ, მეორე ტაიმში დავიდე კალაბრიას, რაფაელ ლეაუსა და ბრაჰიმ დიასის თამაშში ჩართვა მოუწია.
„მილანმა“ გოლი 34-ე წამზე გაუშვა! ნიკოლა სანსონემ ფლანგური გადაცემა შეირგო და ახლო მანძილიდან შეაგდო. ამის შემდეგ „როსონერი“ საგრძნობ უპირატესობას დაეუფლა, რამაც შედეგი ტაიმის ბოლოს გამოიღო და ტომაზო პობეგამ მე-40 წუთზე ეფექტური გოლით გაათანაბრა. მეორე ნახევარში ანგარიში აღარ შეცვლილა - 1:1.
„მილანი“ 30 ტურის შემდეგ 53 ქულით მეოთხე ადგილზეა, მაგრამ ჯერ მის კონკურენტებს არ უთამაშიათ და შეიძლება პოზიციები უფრო დათმოს, ხოლო „ბოლონია“ 44 ქულით მერვე პოზიციაზეა.
„ბოლონია“ – „მილანი“ 1:1 (1:1)
გოლები: 1:0 სანსონე (1), 1:1 პობეგა (40)
