ნიქოზიის „აპოელის“ ქართველმა ფეხბურთელმა გიორგი ქვილითაიამ კვიპროსის ჩემპიონატში მორიგი გოლი გაიტანა. 21-ე ტურში „აპოელმა“ მისი გოლით ლარნაკას აეკ-ს 1:0 აჯობა.
გიორგიმ 45-ე წუთზე პენალტი მოიპოვა და გოლად თავადვე აქცია. ის მოედანზე 76-ე წუთამდე იყო. ქვილითაიამ მიმდინარე წელს უკვე მე-6 გოლი გაიტანა, მთლიანად სეზონში კი - მეათე (8 ჩემპიონატში, 2 თასზე).
თორნიკე ოქრიაშვილმა 76-ე წუთიდან ითამაშა, მურთაზ დაუშვილი კი მინდორზე 65-ე წუთზე გამოჩნდა.
ამ გამარჯვებით „აპოელი“ ლარნაკას აეკ-ს სატურნირო ცხრილში 36 ქულით გაუთანაბრდა და მეორე-მესამე ადგილებს იყოფენ. ქართველების გუნდი 17 თებერვალს, ფამაგუსტას „ანორთოსისს“ დაუპირისპირდება.
