“მონაკოს” ახალგაზრდა თავდამსხმელის, კილიან მბაპეს ფასი თითქმის გაორმაგდა. მიუხედავად იმისა, რომ კლუბს 18 წლის მოთამაშის სხვა გუნდში გაშვება არ სურს, მონაკოელები მაინც მზად არიან, 190 მილიონი ევროს ღირებულების წინადადება განიხილონ.
Marca-ს მტკიცებით, მადრიდის “რეალი” მოლაპარაკებებს მართავს “მონაკოსთან” და ცდილობს, ფრანგის ღირებულება შეამცირებინოს.
18 წლის ფორვარდმა გასულ სეზონში ლიგა 1 მოიგო და ჩემპიონთა ლიგის ნახევარფინალამდეც მიაღწია. რაც შეეხება მის მონაგარს – 46 მატჩში 26 გოლი და 8 საგოლე გადაცემაა.
