დღეს, გიორგი გოგშელიძე ოლიმპიური თამაშების ვერცხლის მედლით დაჯილდოვდება. თავისუფალი სტილით ჭიდაობაში ევროპის და მსოფლიოს ჩემპიონმა სპორტსმენმა პეკინისა და ლონდონის ოლიმპიადებზე მესამე საპრიზო ადგილი დაიკავა, მაგრამ შარშან, მას შემდეგ, რაც განმეორებითმა დოპინგ-ტესტმა პეკინის ვერცხლის პრიზიორის - ყაზახი თაიმურაზ ტიგიევის სისხლში აკრძალული პრეპარატის კვალი აღმოაჩინა, საერთაშორისო ოლიმპიურმა კომიტეტმა მას მედალი ჩამოართვა და გიორგი გოგშელიძის ერთი საფეხურით დაწინაურებაც გადაწყდა.
სოკ-დან გამოგზავნილი ვერცხლის მედალი უკვე საქართველოშია და გოგშელიძეს დღეს, საქართველოს ეროვნული ოლიმპიური კომიტეტის პრეზიდენტი ლერი ხაბელოვი გადასცემს.
