ტურინის „იუვენტუსმა“ მიუნხენის „ბაიერნიდან“ მედჰი ბენატიას სატრანსფერო უფლებები სრულად გამოისყიდა. როგორც „ბებერი ქალბატონის“ ვებგვერდი ოფიციალურად გვატყობინებს, მაროკოელ ფეხბურთელთან კონტრაქტი 2020 წლის 30 ივნისამდე გაფორმდა, ხოლო სატრანსფერო ღირებულებამ 17 მილიონი ევრო შეადგინა.
„აქ მოსვლის დღიდან ჩემი მთავარი მიზანი, „იუვენტუსში“ დარჩენა იყო. იმედია, მომავალში უამრავი გამარჯვება გველოდება ერთად“, - აღნიშნა მედჰიმ.
30 წლის ბენატია „იუვეს“ მიმდინარე სეზონის დაწყების წინ, იჯარის წესით შეუერთდა, რომელსაც ვადა ზაფხულში გასდიოდა, თუმცა მას მიუნხენში დაბრუნება აღარ მოუწევს.
მედჰი ბენატიამ „იუვენტუსის“ დაცვაში არსებული დიდი კონკურენციის მიუხედავად, მიმდინარე სეზონში ყველა ტურნირის ჩათვლით 18 შეხვედრა ჩაატარა და ერთი გოლის გატანა შეძლო.
