უეფას შტაბ-ბინაში ჩემპიონთა ლიგის მეოთხედფინალური ეტაპის წილისყრა გაიმართა. შესაბამისად, ევროპის მთავარი საკლუბო ტურნირის 8 უძლიერესმა გუნდმა 4 წყვილი შეადგინა.
დიდ ინტერესს ეწვევს "ბაიერნი"-"რეალისა" და "იუვენტუსი"-"ბარსელონას" დაპირისპირებები.
საბოლოოდ კი, მეოთხედფინალური წყვილები ასეთია:
"ატლეტიკო" (ესპანეთი) - "ლესტერი" (ინგლისი)
"დორტმუნდი" (გერმანია) - "მონაკო" (საფრანგეთი)
"ბაიერნი" (გერმანია) - "რეალი" (ესპანეთი)
"იუვენტუსი" (იტალია) - "ბარსელონა" (ესპანეთი)
მეოთხედფინალის პირველი შეხვედრები 11/12 აპრილს, ხოლო საპასუხო - ერთი კვირის შემდეგ, 18/19 აპრილს გაიმართება. რაც შეეხება ფინალურ დაპირისპირებას, მას 3 ივნისს უელსის დედაქალაქი კარდიფში უმასპინძლებს.
