დანიის სუპერლიგაში მეორე ტურის მატჩი გამართა "ორჰუსმა", რომლის ღირსებასაც ქართველი თავდამსხმელი მათე ვაწაძე იცავს. პირველი ტურისგან განსხვავებით, მათემ თავის გამოჩენა ვერ მოახერხა, "ორჰუსი" კი სტუმრად "ვიბორგს" დაუზავდა, 0:0. ვაწაძე ძირითად შემადგენლობაში იყო და მოედანზე 82 წუთი გაატარა, ხოლო 66-ე წუთზე არბიტრისგან ყვითელი ბარათი დაიმსახურა.
ერთი კვირის წინ, მათემ "ბრონდბიუს" კარი ორჯერ აიღო და მაშინ თავისიანებს მოაგებინა. ვაწაძის გუნდი ორი ტურის შემდეგ 4 ქულით მესამე ადგილს იკავებს.