კატალონიის "ბარსელონამ", რომელიც ჩემპიონთა ლიგის ფინალში ტურინის "იუვენტუსს" დაუპირისპირდება, თავის მომავალ მეტოქეს იტალიის თასის მოგება მიულოცა. კატალონურმა გრანდმა ოფიციალურ ტვიტერის გვერდზე დაწერა:
"ბარსელონადან გილოცავთ თასის მოგებას. ყოჩაღ "იუვე", გელოდებით, შევხვდებით ბერლინში", - წერია "ბლაუგრანას" ტვიტერზე.
"იუვენტუსმა" იტალიის თასის "ფინალში რომის "ლაციოს" დამატებით დროში 2:1 აჯობა და ეს ტურნირი 20 წლიანი პაუზის შემდეგ, ჯამში კი მეათედ მოიგო, რითაც პირველი იტალიური გუნდი შეიქნა, რომელმაც ამ ნიშნულს მიაღწია.
"ბარსელონა" - "იუვენტუსის" ჩემპიონთა ლიგის ფინალი კი 6 ივნისს, ბერლინში გაიმართება.
