მადრიდის “რეალის” ახალგაზრდა ცენტრალური მცველი რაფაელ ვარანი მოედანზე დაბრუნებასთან ახლოსაა. ესპანური პრესის ცნობით, ფრანგი უკანახაზელი მწყობრში მიმდინარე თვის ბოლომდე ჩადგება.
ვარანმა მტკივან მუხლზე ოპერაცია 4 თვის წინათ გაიკეთა. ის გუნდს მიმდინარე სეზონის დასაწყისში დაუბრუნდა, მაგრამ 20 წლის ფეხბურთელმა ტრავმა გაიმიზეზა.
Marca-ს ცნობით, ვარანი გუნდს თვის ბოლომდე დაუბრუნდება და ის 28 სექტემბერს გასამართი მადრიდული დერბისთვის მზად იქნება.
