ბატონ ლერი ხაბელოვს, საქართველოს ეროვნული ოლიმპიური კომიტეტის პრეზიდენტს, ლოზანა 2014 წლის 5 ივლისი.
ძვირფასო პრეზიდენტო, მინდა გულითადად მოგილოცოთ 50 წლის საიუბილეო თარიღი და ყოველივე საუკეთესო გისურვოთ.
მთელი თქვენი ცხოვრება სპორტს უკავშირდება – თავდაპირველად, როგორც წარმატებულ თავისუფალი სტილით მოჭიდავეს, ხოლო დღეს უკვე ეროვნული ოლიმპიური კომიტეტის პრეზიდენტს.
1992 წლის ბარსელონისა და 1988 წლის სეულის ოლიმპიადებზე მოპოვებული ოქროსა და ვერცხლის მედლები, ასევე ხუთგზის მსოფლიო ჩემპიონისა და ოთხგზის ევროპის ჩემპიონის ტიტულები, ის უდიდესი წარმატებაა, რომლითაც დიდი წვლილი შეიტანეთ ქართული სპორტის განვითარების ისტორიაში, როგორც შესანიშნავმა სპორტსმენმა, რომელმაც მისაბაძი მემკვიდრეობა შექმნა მომავალი თაობებისთვის.
თქვენი მდიდარი გამოცდილება და სპორტისადმი ერთგულება უდიდესი საწინდარია ქვეყანაში სპორტისა და ოლიმპიზმის ღირებულებების წარმოსაჩენად. ასევე აღსანიშნავია თქვენი დამსახურება საქართველოს სპორტისა და ახალგაზრდულ საქმეთა საპარლამენტო კომისიის თავმჯდომარის თანამდებობაზე.
მსურს კიდევ ერთხელ უღრმესი მადლობა მოგახსენოთ სპორტისადმი თქვენი თავდადებისთვის და გისურვოთ საიუბილეო თარიღის სასიამოვნოდ აღნიშვნა!
პატივისცემით, თომას ბახი, სოკ-ის პრეზიდენტი
www.geonoc.org.ge
