გერმანიის ნაკრების ნახევარმცველმა ლუკაშ პოდოლსკიმ ერთ-ერთ ადგილობრივ სპორტულ გამოცემას უთხრა, რომ გუნდში ადგილის დაკარგვის არ ეშინია. ლონდონის “არსენალის” ფორვარდი ჩილეს წინააღმდეგ დღეს საღამოს გასამართი ამხანაგური შეხვედრისთვის ემზადება და კომენტარიც წინასამატჩო შეკრებისას გააკეთა.
“კონკურენციას არასოდეს გავქცევივარ და არც მომავალში ვაპირებ უკან დახევას. ეროვნულ გუნდში საკმაოდ ბევრი თამაში მაქვს ჩატარებული და ჩემს შესაძლებლობებშიც ბოლომდე ვარ დარწმუნებული. ტრავმის შემდეგ ფორმა უკვე აღვიდგინე და ჩილესთან შეხვედრას მომზადებული ვხვდები.
