21 წლის ქართველი მცველი ნიკა აფაქიძე პოლონური ლოძის “ვიძევში” ისინჯება. ამ ინფორმაციას პოლონური საიტები ავრცელებენ. “ვიძევმა” ექსტრაკლასას გასული სეზონი მე-13 ადგილზე დაასრულა.
აფაქიძე, გეცოდინებათ, “ზუგდიდის” ფეხბურთელი გახლდათ და საქართველოს ახალგაზრდულ ნაკრებშიც არაერთხელ უთამაშია. “ვიძევში” 2011 წელს ნიკა ძალამიძე თამაშობდა და გუნდის საუკეთესო ფეხბურთელიც იყო, შემდეგ კი “იაგელონიაში” გადავიდა.
