რომის “ლაციოს” ნახევარმცველი ანტონიო კანდრევა, შესაძლოა, “ნაპოლიში” გადაბარგდეს. ამის შესახებ აპენინური მედია იუწყება.

მოგეხსენებათ, ნეაპოლელთა დამრიგებელი რაფაელ ბენიტესი ნახევარდაცვის ცენტრში ახალ ფეხბურთელებს ეძებს და სხვადასხვა კანდიდატურებს განიხილავს. მისთვის, ერთ-ერთი ვარიანტი სწორედ 27 წლის იტალიელია. გარდა ამისა, ბენიტესს ლონდონის “ტოტენჰემის” ბრაზილიელი შუახაზელი სანდროც სურს.

ცნობისათვის, იტალიის ჩემპიონატის გასულ სეზონში, კანდრევამ რომაელთა მაისურით 37 მატჩი ჩაატარა, სადაც 12 გოლითა და 6 საგოლე პასით ისახელა თავი.