“ბარსელონას” პრეზიდენტმა ხოსეპ მარია ბარტომეუმ დაადასტურა, რომ გუნდის მთავარ მწვრთნელ ხერარდო მარტინოსთან ახალი ხელშეკრულების გაფორმება უკვე გადაწყვეტილი ამბავია. მოქმედი კონტრაქტის თანახმად, მხარეების ურთიერთთანამშრომლობას ვადა 2015 წელს ეწურება.
“ხერარდო მარტინოს მუშაობით კმაყოფილები ვართ და მიმდინარე სეზონის ბოლომდე მას ახალ კონტრაქტს შევთავაზებთ, თუნდაც ვერც ერთი ტიტული ვერ მოვიგოთ” – განაცხადა ბარტომეუმ.
