ფეხბურთში ეროვნული ჩემპიონატის ჩატარების დღიდან 14 (1990 წლის 30 მარტი) ფეხბურთელია, ვისაც საქართველოს უმაღლეს ლიგაში მოასპარეზე გუნდში 300 და მეტი მატჩი აქვს ნათამაშები. გთავაზობთ მათ ჩამონათვალს.
№ | სახელი, გვარი | დაბადების თარიღი |
მატჩი (გოლი) |
პირველი მატჩი, გუნდი | ბოლო მატჩი, გუნდი |
1 | ზურაბ იონანიძე | 02.12.1971 | 422(216) |
31.03.1990 "სამგურალი" |
08.08.2009 "ზესტაფონი" |
2 | გივი დიდავა | 21.03.1976 | 394 (25) |
07.09.1992 "ტორპედო" |
თამაშობს |
3 | გიორგი ბალაშვილი | 07.08.1973 | 363 (6) |
28.08.1992 "დილა" |
20.05.2008 "დილა" |
4 | სევასტი თოდუა | 13.05.1976 | 361 (1) |
19.10.1998 "იბერია" (ს) |
თამაშობს |
5 | გრიგოლ ჭანტურია | 25.09.1973 | 352 |
27.03.1991 "დილა" |
15.05.2010 "ოლიმპი" |
6 | თემურ ტუღუში | 24.02.1972 | 334 (74) |
31.03.1990 "ბათუმი" |
03.12.2003 "კოლხეთი" (ფ) |
7 | ლაშა ნოზაძე | 18.03.1980 | 327 (24) |
02.04.1998 "ვიტ ჯორჯია" |
თამაშობს |
8 | მიხეილ მახვილაძე | 22.07.1978 | 326 (9) |
08.08.1997 "სამგურალი" |
თამაშობს |
9 | დავით ჯანაშია | 08.07.1972 | 317 (124) |
04.04.1990 "ქუთაისი" |
13.04.2007 "ტორპედო" |
10 | დავით დიღმელაშვილი | 18.01.1980 | 316 (17) |
11.09.1999 "ვიტ ჯორჯია" |
თამაშობს |
11 | ალექსანდრე კოშკაძე | 04.12.1981 | 304 (55) |
29.10.1999 "მერანი-91" |
თამაშობს |
12 | კახა კვეტენაძე | 03.06.1970 | 302 (31) |
21.09.1992 "სამგურალი" |
05.05.2007 "ტორპედო" |
13 | გია ჩხაიძე | 27.02.1970 | 302 (7) |
31.03.1990 გურია" |
12.12.2002 "სიონი" |
14 | ჯიმშერ მარეხაშვილი | 07.01.1965 | 301 (43) |
31.03.1990 "დილა" |
22.04.2000 "დილა" |
როგორც ცხრილიდან ჩანს, “სამასიანთაგან” 6 ფეხბურთელია, ვინც კვლავ აგრძელებს აქტიურ საფეხბურთო კარიერას. მათგან 5 დღესაც უმაღლესში ასპარეზობს, ხოლო ლაშა ნოზაძე ამჟამად პირველი ლიგის უპირობო ლიდერის საჩხერის “ჩიხურას” რიგებში თამაშობს და დიდი ალბათობაა, გუნდთან ერთად ახალი სეზონიდან რანგით დაწინაურდეს.
“სამასიანთა კლუბის” ერთპიროვნული ლიდერი ზურაბ იონანიძე იმითაცაა გამორჩეული, რომ უმაღლეს ლიგაში მოთამაშეთაგან მე-400 მატჩი პირველმა (2008 წლის 2 ნოემბერს “ზესტაფონში” თამაშისას) მან გამართა. სხვათა შორის, “იონას” მიღწევის გამეორებასთან ყველაზე ახლოსაა მარტვილის “მერანის” გამოცდილი ნახევარმცველი გივი დიდავა, რომელსაც “მრგვალ” მონაცემამდე მხოლოდ 6 მატჩი დარჩა გასამართი. ამ უკანასკნელს, ჩამოთვლილი ფეხბურთელებიდან ყველაზე მეტჯერ აქვს მორგებული ეროვნული ნაკრების მაისური. დიდავამ 1996-2003 წლებში სულ 21 მატჩი ითამაშა “ჯვაროსანთა” შემადგენლობაში.
მოყვანილ ცხრილში მოხვედრილთაგან, გრიგოლ ჭანტურია ერთადერთი კიპერია. მის კოლეგათაგან, “სამასიანებში” მოხვედრის ყველაზე რეალური კანდიდატი, ამჟამად რუსთავის “მეტალურგში” მოთამაშე გრიგოლ ბედიაშვილია, რომელმაც უმაღლესი ლიგის გუნდებში დღეისთვის 262 მატჩი ითამაშა.
გაგაცნობთ კიდევ რამდენიმე ფეხბურთელს, რომლებიც ყველაზე ახლოს არიან “სამასიანებთან” და დღესაც აქტიურ ფეხბურთელად მოიხსენიებიან: რევაზ ქემოკლიძე - 288, დავით ბოლქვაძე - 259, გიორგი მეგრელაძე - 256, შოთა ბაბუნაშვილი - 253, ლუკა რაზმაძე - 252, ოლეგ გველესიანი - 241, რევაზ გოცირიძე - 232.
ფრიდონ კერვალიშვილი