როგორც ვიტყობინებოდით, პირველლიგელი “გაგრა“ მისმა ბოლოდროიინდელმა კაპიტანმა ირაკლი ხუციძემ ოფიციალურად დატოვა. ამას წინათ თანაგუნდელებმა მას თბილი გაცილება მოუწყვეს.
კარიერის უცხოეთში გაგრძელების სურვილით, 23 წლის ფეხბურთელი 2 თებერვალს ამერიკის შეერთებულ შტატებში გაემგზავრა. მას ამ ქვეყნის 10-წლიანი ვიზა აქვს. როგორც შევიტყვეთ, ირაკლი ჩრდილოამერიკული საფეხბურთო ლიგის (NASL) “მინესოტა სტარსში” შეუდგა წვრთნას და გუშინდელ ორმხრივ შეხვედრაში გოლიც მიითვალა. NASL აშშ-ში რანგით მე-2 ლიგაა MLS-ის შემდეგ, “მინესოტა სტარსი“ კი იქ ერთ-ერთი საუკეთესოთაგანია. წინა სეზონში მინესოტელები პლეი ოფში “ტამპა ბეისთან“ პენალტების სერიაში დამარცხდნენ. ახალი სეზონი NASL-ში 6 აპრილს დაიწყება. დღესდღეობით გუნდი წინასასეზონო სამზადისს გადის. თუ მოხდა და ქართველი “მინესოტა სტარსში“ დაიტოვეს, მისი პარტნიორები ახალ გუნდში ამერიკელებთან ერთად იტალიელი, იაპონელი, ბრაზილიელი, კამერუნელი, ბოსნიელი და მალტელი ფეხბურთელები იქნებიან.
ალბათ, გახსოვთ, ირაკლი ხუციძე შარშან ზაფხულშიც გახლდათ ამერიკაში და MLS-ის “კოლამბუს ქრუში“ ისინჯებოდა, მაგრამ ტრანსფერამდე საქმე არ მისულა.
შეგახსენებთ, რომ ხუციძე ქუთაისელია, ბავშვობაში ალექსანდრე კვერნაძესთან ვარჯიშობდა. თამაშობდა “ამერში“, “ბაიაში“, “ტორპედოში“ და ბოლოს – “გაგრაში“, იყო საქართველოს ასაკობრივი ნაკრებების წევრი.
 

იუზა კაციტაძე