ტურინის “იუვენტუსის” 27 წლის მარცხენა მცველი პაოლო დე ჩელიე, სეზონის ბოლომდე, “ჯენოაში” ითამაშებს.

დე ჩელიეს განათხოვრების მიზეზი ისაა, რომ ფეხბურთელს სათამაშო დრო თითქმის არ ეძლეოდა. სერია A-ს მიმდინარე გათამაშებაში ის მოედანზე სულ 4-ჯერ ვიხილეთ, აქედან 2-ჯერ სასტარტო შემადგენლობაში.

პაოლო დე ჩელიე “იუვენტუსის” სკოლის აღზრდილია. 2007 წელს ის “სიენაში” გადავიდა, მაგრამ ტურინელებმა ფეხბურთელი ერთი წლის შემდეგ დაიბრუნეს. “ბებერი სინიორას” მაისურით მას 118-ჯერ უთამაშია.