“ბარსელონას” ხელმძღვანელობა მთავარ მწვრთნელ ხერარდო მარტინოს მუშაობით კმაყოფილია. ამის შესახებ ესპანურ გამოცემებს კატალონური კლუბის პრეზიდენტმა ხოსეპ მარია ბარტომეუმ უთხრა.
“მარტინო თავის საქმეს მშვენივრად უძღვება. მას “ბარსელონასთან” კონტრაქტი 2015 წლამდე აქვს გაფორმებული, მაგრამ თუ გუნდი ასეთი შემართებით გააგრძელებს თამაშს, ხელშეკრულების განახლების თაობაზე მოლაპარაკებას წამოვიწყებთ” – განაცხადა ბარტომეუმ.
