კატალონიის “ბარსელონას” ხელმძღვანელობა “ვალენსიასთან” ესპანეთის პრიმერა დივიზიონის უკანასკნელი ტურის მატჩში (2:3) გაძევებული ჟორდი ალბას საკითხის გასაჩივრებას გეგმავს. ესპანური პრესის ცნობით, კატალონიელებს მიაჩნიათ, რომ მარცხენაფლანგელისთვის მიცემული წითელი ბარათი დაუმსახურებელი იყო.
ჟორდი ალბამ “ღამურებთან” შეხვედრაში მეორე ყვითელი ბარათი 77-ე წუთზე მიიღო და მოედნის დატოვება მოუხდა. თუკი კატალონიელთა სარჩელი არ დაკმაყოფილდება, მცველს სულ ცოტა, ერთი მატჩის გამოტოვება მოუწევს.
ესპანეთის პრიმერა დივიზიონის უახლოეს ტურში, “ბარსელონას” მეტოქე “სევილია” იქნება.
