ინდოეთის ქალაქ ჩენაიში დასრულდა საერთაშორისო საჭადრაკო ტურნირი, რომელშიც საქართველოს ღირსებას ნინო ბაციაშვილი (2425) და სოფიკო გურამიშვილი (2441) იცავდნენ.

უკეთ ბაციაშვილმა იასპარეზა, რომელმაც 11 ტურში 6.5 ქულა მოაგროვა და 120-მდე მონაწილეს შორის 29-ე ადგილი დაიკავა. 5.0 ქულით 73-ე შედეგი აჩვენა გურამიშვილმა.

ტურნირის გამარჯვებული ინდოელი ჩიტამბარამ არავინდი (2335) გახდა, რომელმაც 9.0 ქულა მიითვალა და უკრაინელ ვალერი ნევეროვს (2508) და ინდოელ სეტუმარამს (2553) 0.5 ქულით გაუსწრო.