მას შემდეგ რაც ”კოლხეთის” რიგები დატოვეს ლუკა გუგუჩიამ და დათა სიჭინავამ, გუნდმა შევსებაც მიიღო, თან საკმაოდ პერსპექტიული ფეხბურთელები დაიმატეს ფოთელებმა. მერაბ გიგაურის შემდეგ კიდევ ორი ახალგაზრდა ფეხბურთელია კოლხური გუნდის შენაძენი: ლევან შენგელია და ალეკო ჩაკვეტაძე. აღნიშნულმა ფეხბურთელებმა პირველი სეზონი ქუთაისის ”ტორპედოში” გაატარეს, დღეიდან კი ”კოლხეთის” ღირსებას დაიცავენ.
ხანმოკლე შესვენების შემდეგ ფოთელებმა ვარჯიში ცენტრალური სტადიონის სათადარიგო მოედანზე განაახლეს და მიმდინარე თვის მეორე ნახევარში ოთხ სპარინგ მატჩსაც ჩაატარებენ, ხოლო თვის ბოლოს შეკრებაზე თურქეთში გაემგზავრებიან.
