ფეხბურთი

21:06 | 22.11.2014 | ნანახია [] - ჯერ

ბართომეუ: "მესი "ბარსელონადან" არ წავა"

კატალონიის "ბარსელონას" პრეზიდენტმა ხოსეპ მარია ბართომეუმ "მარკასთვის" მიცემულ ინტერვიუში "ბლაუგრანას" არგენტინელი თავდამსხმელის ლიონელ მესის და მთავარი მწვრთნელის ლუის ენრიკეს შესახებ კომენტარი გააკეთა.

"მესი "ბარსელონადან" არ წავა, იგი აქ ბედნიერია, თუმცა არგენტინელი სპორტულ წნეხს განიცდის. ლუის ენრიკეს კი მხარი უნდა დავუჭიროთ, რათა მან ახალი პროექტის სრულყოფა შეძლოს." - განაცხადა ბართომეუმ.

რამდენიმე დღის წინ არგენტინელმა ვარსკვლავმა განაცხადა, რომ კარიერის დასრულება "ბარსელონაში" სურს, თუმცა ყველაფერი ისე არ ხდება, როგორც ეს ერთ მხარეს უნდაო.

ამ კომენტარის გავრცელების შემდეგ, ევროპული მედია გააქტიურდა და მესი რამდენიმე ფინანსურად ძლიერ კლუბს დაუკავშირა. მესის სხვა გუნდში გადასვლა კლუბის პრეზიდენტის განცხადებამდე ფეხბურთელის მამამ ხორხე მესიმაც უარყო: "მესის "ბარსელონაში დარჩენა სურს, რადგან იქ თავს კარგად გრძნობს."

Loading...
0.125819