ფეხბურთი

3:29 | 29.10.2014 | ნანახია [] - ჯერ

გრანდებს გაუჭირდათ, “ვესტ ბრომვიჩი” – გავარდა

გუშინ ინგლისის ლიგის თასის 1/8 ფინალური ეტაპის 5 შეხვედრა გაიმართა, რომელთაგან ყველაზე დიდ ინტერესს “ლივერპულისა” და “სუონსის” დაპირისპირება იწვევდა. ორივე კლუბი გადახალისებული, თუმცა მაინც სოლიდური შემადგენლობით თამაშობდა. ბრენდან როჯერსმა სიმონ მინოლე, სტივენ ჯერარდი, რაჰიმ სტერლინგი, ალბერტო მორენო და მარტინ შკრტელი დაასვენა, ხოლო გარი მონკმა ლუკაშ ფაბიანსკის, კი სუნგ-იონგის, გილფი სიგურდსონსა და ვილფრიდ ბონის მისცა დასვენების საშუალება.
“ლივერპულის” უხეირო ფორმაზე ყველას კარგად მოეხსენება. ამიტომაც, მერსესაიდელთათვის თითოეული მატჩი ძალიან მნიშვნელოვანია. მასპინძელთა თამაში კვლავ ძალიან შორსაა სასურველისგან, “ლივერპულს” ძალიან გაუჭირდა “გედებთან” და ნამდვილად გაუმართლათ, რომ გამარჯვება მაინც მოახერხეს.
ანგარიში 66-ე წუთზე მასპინძელთა მცველების შეცდომის შედეგად გაიხსნა – თავი ემნსიმ გამოიჩინა. “წითლებმა” უმალ გააძლიერეს ზეწოლა და 85-ე წუთზე მიზანს მაინც მიაღწიეს. როგორც იქნა, მოახერხა და გოლი გაიტანა მარიო ბალოტელიმ, რომელიც ცვლილებაზე შემოვიდა. გადამწყვეტი გოლი კი, სტანდარტს მოჰყვა 95-ე წუთზე – ფელიპე კოუტინიოს ჩაწოდების შემდეგ, ტრემელი გამოსვლაზე შეცდა, ბურთს ასცდა და დეიან ლოვრენმა ცარიელ კარში გადაგზავნა ბურთი – 2:1.

გაჭირვებით იმარჯვა ლონდონის “ჩელსიმაც”, რომლის მეტოქეც მეოთხელიგელი “შრიუსბერი” გახლდათ. “არისტოკრატები” ძირითადი შემადგენლობით არ თამაშობდნენ და ჟოზე მოურინიომ რამდენიმე ახალგაზრდა მოთამაშეს მისცა თავის გამოჩენის საშუალება. ანგარიში დიდიე დროგბამ გახსნა 48-ე წუთზე, რომელმაც ზედიზედ მეორე შეხვედრაში გამოიჩინა თავი. 77-ე წუთზე მანგანიმ გაათანაბრა, ხოლო გადამწყვეტი რეზულტატი 81-ე წუთზე დაფიქსირდა – გრანდისონმა ბურთი საკუთარ კარში ჩაჭრა და “ჩელსის” შემდეგი ეტაპის საგზური მოუპოვა.

სენსაციურად გავარდა პრემიერლიგური “ვესტ ბრომვიჩი”, რომელიც გასვლაზე “ბორნმუთთან” დამარცხდა. ანგარიში 49-ე წუთე ო’კენმა გახსნა, 85-ე წუთზე ელპიკმა საკუთარ კარში ჩაჭრა ბურთი და წონასწრობა აღდგა, თუმცა ერთ წუთში უილსონმა მეორედ აიღო სტუმართა კარი და თავის გუნდს 1/4 ფინალის საგზური მოუპოვა.

“ფულჰემმა”, რომელიც პირველი ტაიმის ბოლომდე 2:0-ს უგებდა “დერბის”, 17-წუთიან მონაკვეთში 5 უპასუხო ბურთი გაუშვა და განადგურდა, ხოლო “მანჩესტერ იუნაიტედის” გამგდები “დონსი” საკუთარ მოედანზე “შეფილდ იუნაიტედთან” დამარცხდა.

შრიუსბერი – ჩელსი 1:2 (0:0)


შრიუსბერი, “გრინჰაუს მიდოუ”

ჩელსი (4-2-3-1): ჩეხი, კრისტიანსენი, ზუმა, კეჰილი, ფელიპე, მიკელი (მატიჩი 80), აკე, ოსკარი (აზარი 93), სალა (ვილიანი 80), შურლე, დროგბა.
მწვრთნელი: ჟოზე მოურინიო

გოლები: 0:1 დროგბა (48), 1:1 მანგანი (77), 1:2 გრანდისონი (81 ს.კ.).
გაფრთხილებები: აკე
მსაჯი: ნილ სვერბრიკი

ლივერპული – სუონსი 2:1 (0:0)

ლივერპული, “ენფილდ როუდი”

ლივერპული (4-2-3-1): ჯონსი, ტურე, ლოვრენი, მანკილიო, ჯონსონი, ლუკასი, ჰენდერსონი, ბორინი, კოუტინიო, მარკოვიჩი (ლალანა 69), ლამბერტი (ბალოტელი 78).
მწვრთნელი: ბრენდან როჯერსი

სუონსი (4-4-2): ტრემელი, უილიამსი, ფერნანდესი, ტეილორი, რანხელი, ფულტონი (კეროლი 87), შელვი, მონტერო, დაიერი (რუტლიჯი 66), ემნსი, გომისი (ბონი 80).
მწვრთნელი: გარი მონკი

გოლები: 0:1 ემნსი (66), 1:1 ბალოტელი (86), 2:1 ლოვრენი (95).
გაფრთხილებები: ტურე – ფულტონი, ტეილორი, უილიამსი
გაძევება: ფერნანდესი (92).
მსაჯი: კეიტ სტრუდი

ბორნმუთი – ვესტ ბრომვიჩი 2:1 (0:0)

გოლები: 1:0 ო’კენი (49), 1:1 ელპიკი (85 ს.კ.), 2:1 უილსონი (86).

დონსი – შეფილდ იუნაიტედი 1:2 (0:0)

გოლები: 1:0 აფობე (67 პენ.), 1:1;1:2 ჰიგდონი (86;93).

ფულჰემი – დერბი 2:5 (2:1)

გოლები: 1:0;2:0 დემბელე (27;45), 2:1 მარტინი (45+2 პენ.), 2:2 რუსელი (47), 2:3;2:5 დოუკინსი (54;65), 2:4 ჰენდრიკი (62).

0.132529