ლიგა 1-ში მეათე ტური დაიწყო. ბლანის გუნდმა “ლანს” მოუგო და მეორე ადგილზე აინაცვლა, თუმცა ვინ იცის როდემდე. ხვალ და ზეგ გაიმართება დარჩენილი შეხვედრები.

პსჟ-მ საწყის წუთებში შეუტია. კავანის გოლის გატანილის შანსი ჰქონდა, მაგრამ რუიმ აუღო და კომბუარეს მოთამაშეებმა სწრაფი კონტრშეტევა წამოიწყეს, მოედნის ცენტრში კულიბალმა იაქტიურა და თვითონვე შეაგდო.

მე-20 წუთზე მარკო ვერატიმ პირლოს სტილში საოცარი პასი გაუკეთა კავანის, მეკარესთან პირისპირ დარჩენილმა ურუგვაელმა შედეგიანად ვერ ითამაშა.

მსგავსად განვითარდა შეტევა რამდენიმე წუთში. კვლავ ვერატის პასი და კვლავ კავანის უშედეგო დარტყმა, თუმცა ამ ეპიზოდში მცველებმა მოახერხეს დროულად ჩამოსვლა. კავანი კარგი მოძრაობა გააკეთა, კარისკენ დაარტყა, ბურთი წინა გამოსულ მეკარეს გაცდა, თუმცა ცარიელ კართან მდგომ მცველს მოხვდა და ანგარიში არ გათანაბრდა.

რამდენიმე წუთში ყოფილმა ნიუკასლელმა იოჰან კაბაიმ საჯარიმოს გარედან დაარტყა და გაიტანა.

ბლანის გუნდის მეორე გოლი მეტოქის მეკარის შეცდომას მოჰყვა. მაქსველმა ცარიელ კარში გაიტანა.

მეორე ტაიმის საწყისში კავანის წაქცევისთვის დანიშნული თერთმეტმეტრიანი თავად შეასრულა ურუგვაელმა, ხოლო პენალტის მიზეზმა გბამინიმ მოედანი მეორე ყვითელი ბარათის გამო დატოვა.

მეტი გოლი აღარ გასულა. პსჟ-მ დამაჯერებლად მოიგო.

საფრანგეთის ჩემპიონატი სანახაობრივი თვალსაზრისით არ გამოირჩევა. აქედან გამომდინარე ვერატის მიერ შესრულებული ბრწყინვალე პასები ერთი ორად კარგი სანახავი გამოდგა.

“ლანსი” – პსჟ 1:3 (1:2)

პარიზი, “სტად დე ფრანსი.”

ლანსი: რიუ, კავარე, ბაალი, ლანდრე, გბამინი, ვალდივია, ლემოინე, ნომენიანაჰარი (ელ ჯადუ 81 ), კულიბალი (გულამე 78 ), კავარია, ტუზგარი (ბულენგა 62 )

მთავარი მწვრთნელი: კომბუარე

პსჟ: სირიგუ, ვან დერ ვილი, კამარა, მოტა (კიმპემბე 75 ), მაქსველი, ვერატი, კაბაი (შანტომე 62 ), მატუიდი (ბაჰებეკი 20 ), ლუკასი, კავანი, პასტორე

მთავარი მწვრთნელი: ბლანი

გოლი: 1:0 კულიბალი (10), 1:1 კაბაი (28), 1:2 მაქსველი (34), 1:3 კავანი (თერთმეტმეტრიანი 55)

მთავარი მსაჯი: ნიკოლას რეინვილე

გაფრთხილება: გბამინი (7), ლემოინე (26), გბამინი (52), კავანი (55), კავანი (56), ლემოინე (60)

გაძევება: გბამინი (52), კავანი (56), ლემოინე (60)