"ფლორას“ მთავარმა მწვრთნელმა, კონსტანტინ ვასილევმა "იბერიასთან" მატჩამდე პრესკონფერენცია გამართა და დღევანდელ დაპირისპირებაზე ისაუბრა.

"იბერია" ძალიან მაღალი დონის გუნდია, მეტოქის შესწავლა უკვე დიდი ხანია დაწყებული გვაქვს და შეგვიძლია იმის თქმა, რომ მათ უკვე კარგად ვიცნობთ, ვიცით რას უნდა ველოდოთ.

ფეხბურთში როგორც წესი, ვინც ნახევარდაცვას აკონტროლებს, თამაშსაც იგებს, ბურთის ფლობისას საკუთარი მომენტები მაქსიმალურად უნდა გამოვიყენოთ, ხოლო დაცვაში ყველაფერი გავაკეთოთ, რათა მეტოქეს გოლის გატანის შესაძლებლობა არ მივცეთ. ძნელი სათქმელია, ვინ არის ფავორიტი. მეტოქეს აშკარად ძლიერი მხარეები აქვს, თუმცა იმასაც ვერ ვიტყვი, რომ ფავორიტები ჩვენ ვართ. ყველა მატჩი 0:0-დან იწყება და საკუთარი შანსები აუცილებლად გვექნება. მთავარი არის ჩვენი პოტენციალი მაქსიმალურად გამოვავლინოთ", - განაცხადა ვასილევმა.

"იბერიასა" და "ფლორას" მატჩი დღეს 8 ივლისს თბილისის დროით 20:00 საათზე დაიწყება, ხოლო განმეორებითი მატჩი თბილისსში 14 ივლისს გაიმართება.