საქართველოს ეროვნულ ლიგაში მე-18 ტურის შემდეგ ლიდერი შეიცვალა: „რუსთავმა“ „იბერიას“ სტუმრად აჯობა და პირველ ადგილზე გადავიდა.
„იბერიაში“ შედგა ანდრეი დემჩენკოს დებიუტი, რომელმაც გუგა ნერგაძე შეცვალა, მაგრამ უკრაინელის დასაწყისი კარგი ნამდვილად არ გამოვიდა.
თუმცა, „იბერია“ იგებდა: 42-ე წუთზე ანგარიში ამირან ძაგანიამ გახსნა და თბილისური გუნდი დაწინაურდა, მაგრამ მეორე ნახევარში გია ცეცაძის გუნდმა დააქამბექა. 61-ე წუთზე პრინს ოსეიმ ბრწყინვალედ ითამაშა და ულამაზესი გოლით გაათანაბრა ანგარიში, ბოლო წუთზე კი ვაჟა ფაცაციამ რუსთავალებს მოაგებინა - სტუმართა მცველმა ჯარიმა 60 მეტრიდან პირდაპირ კარში დაარტყა და "იბერიას" მეკარე თორნიკე მეგრელიშვილი ვერაფერს გახდა - საოცარი გოლი გავიდა.
„რუსთავმა“ ზედიზედ მესამე გამარჯვება მოიპოვა, 32 ქულით გალიდერდა და მომდევნო ტურში „დილას“ შეხვდება, ხოლო „იბერია“ 31 ქულით მეორეა და წინ „მეშახტესთან“ შეხვედრა აქვს.
„იბერია“ – „რუსთავი“ 1:2 (1:0)
გოლები: 1:0 ძაგანია (42), 1:1 ოსეი (61), 1:2 ფაცაცია (90)
