მიუნხენის „ბაიერნის“ მთავარმა მწვრთნელმა ვენსან კომპანიმ „ჰაიდენჰაიმთან“ მატჩამდე პრესკონფერენცია გამართა, სადაც პსჟ-სთან საოცარ თამაშსაც შეეხო:

„ყოველთვის ყველაფერს შავ-თეთრად არ ვხედავ. ჩემთვის, რაც პარიზში მოხდა, ლოგიკურია. რა თქმა უნდა, მინდა, რომ კარის მშრალად შენარჩუნება შევძლოთ. ეს ყოველთვის ჩვენი მიზანია. ლევერკუზენში ეს ბრწყინვალედ გავაკეთეთ. თუ მატჩს ლოგიკურად გააანალიზებთ, ეს პროგნოზირებადი იყო. საბოლოო ჯამში, უბრალოდ გამარჯვება და არსებული რესურსების გამოყენება გვინდა. ეს ლოგიკურია. ერთადერთი, რაც უნდა გვქონდეს, არის რწმენა, რომ ამ გზით შეგვიძლია გამარჯვება. არ გვინდა წაგება და სწორედ ეს გვაძლიერებს.

„ბაიერნის“ ხილვადობა საზღვარგარეთ? მაქვს განცდა, რომ „ბაიერნი“ ძალიან მნიშვნელოვანი კლუბია მთელ მსოფლიოში. მაგრამ ვერ ვხვდები, რატომ უნდა იყოს განსხვავება. „ბაიერნში“ ყოველთვის იყვნენ შესანიშნავი მოთამაშეები. თუ მექნებოდა „ბაიერნში“ თამაშის შესაძლებლობა, ყველაფერს გავაკეთებდი მის გამოსაყენებლად. ვერ წარმომიდგენია რაიმე უფრო დიდი. ბევრი ასე ფიქრობს, მაგრამ არ ვიცი, რას ამბობენ საფრანგეთში ან სხვაგან“, - თქვა კომპანიმ.