"რომამ" გამოცდილი ფეხბურთელი ფეხბურთელი მატს ჰუმელსი დაიმატა. ინფორმაცია ოფიციალურად დადასტურდა.

ჰუმელსი „რომას“ თავისუფალი აგენტის სტატუსით შეუერთდა და ერთწლიანი კონტრაქტი გააფორმა, ერთი წლით განახლების ვარიანტით. აღსანიშნავია, რომ „ჯალოროსიმ“ ორი დღის წინ უფასოდ კიდევ ერთი ცენტრალური მცველი, მარიო ერმოსო დაიმატა. ვეტერანი გერმანელი "რომაში" 15-ნომრიანი მაისურით ითამაშებს და მისი ხელფასი 3 მილიონი ევრო იქნება.

მატს ჰუმელსი მიუნხენის „ბაიერნის“ აკადემიის აღზრდილია, თუმცა, თავიდან სახელი „დორტმუნდში“ გაითქვა, ხოლო „რეკორდმაისტერს“ 2016 წელს დაუბრუნდა, სადაც მხოლოდ სამი სეზონი ითამაშა, 2019 წლიდან კი, ისევ „დორტმუნდის“ რიგებში ირჯებოდა, რომელიც გასულ ზაფხულს კონტრაქტის ამოწურვის შემდეგ დატოვა.