ფეხბურთი

10:49 | 27.04.2023 | ნანახია [] - ჯერ

ჩემპიონთა ლიგის ფინალი აშშ-ში?

უეფას პრეზიდენტმა, ალექსანდერ ჩეფერინმა, Men In Blazers-თან ინტერვიუში ჩემპიონთა ლიგის ფინალის მომავალთან დაკავშირებით საინტერესო ინფორმაცია გააჟღერა. მისი თქმით, მთავარი ევროტურნირის გადამწყვეტი მატჩები შესაძლოა აშშ-ში ჩატარდეს.

„წლეულს ჩემპიონთა ლიგის ფინალი სტამბოლში გაიმართება, 2024 წელს ლონდონში, 2025-ში მიუნხენში და მერე ვნახოთ. ფეხბურთი ბოლო დროს ძალიან პოპულარულია აშშ-ში. ამერიკელები ევროპული კლუბების თამაშებს ისევე უცქერენ, როგორც ევროპელი გულშემატკივრები NBA-ს მატჩებს.

ეს ძალიან მნიშვნელოვანი, პერსპექტიული ბაზარია მომავლისთვის. შტატებში კომერცია სხვაგვარად გამოიყურება და ამ თვალსაზრისით ამერიკელები უფრო ნიჭიერები არიან ვიდრე ჩვენ ევროპელები.

შოკირებული ვიყავი, როცა შევიტყვე, რომ აშშ-ში ევრო 2020-ის ფინალს მეტმა ადამიანმა უცქირა, ვიდრე NBA-ის ფინალს.“ - დასძენს ჩეფერინი.

0.106586