ფეხბურთი

17:11 | 26.01.2023 | ნანახია [] - ჯერ

იტალიური მედია ხვიჩა კვარაცხელიაზე: "დიდი თამაშების კაცი მზადაა"
ხვიჩა კვარაცხელიამ დღეს გუნდთან ერთად სრული დატვირთვით ივარჯიშა

„ნაპოლის“ ფეხბურთელი ხვიჩა კვარაცხელია სრულად გამოჯანმრთელდა და „რომას“ წინააღმდეგ შეხვედრაში მისი მონაწილეობა საეჭვო აღარ არის.

ნეაპოლიტანური კლუბის ვებგვერდი წერს, რომ კვარამ დღეს მთელი საწვრთნელი სესია გუნდთან ერთად ჩაატარა, რაც იმას ნიშნავს, რომ მას პრობლემა აღარ აქვს. თავის მხრივ, Tuttonapoli 21 წლის ქართველის შესახებ წერს, რომ ის დიდი მატჩების კაცია:

„იტალიის თასის მატჩის „კრემონეზესთან“ და სერია A-ს მატჩის „სალერნიტანასთან“ გამოტოვების შემდეგ ხვიჩა კვარაცხელია „რომას“ წინააღმდეგ მოედანზე დაბრუნებას აპირებს. ქართველი დღითიდღე უკეთაა და გუშინ თითქმის მთელი ვარჯიში გუნდთან ერთად ჩაატარა, დღეს კი სრულყოფილად ივარჯიშა, რაც ნიშნავს, რომ ინდივიდუალური მზადება დაასრულა.

დიდი მატჩების კაცი - დიდ მატჩებში ის უკვე გადამწყვეტი იყო გოლებით, საგოლე პასებით, მოპოვებული პენალტებით (როგორც „მილანთან“) ან უბრალოდ მეტოქის მცველების ყურადღების მიქცევით, რითაც თანაგუნდელებს სივრცეს უთავისუფლებდა. ბოლო შოუ „იუვენტუსის“ წინააღმდეგ იყო, როცა გოლი გაიტანა, 2 საგოლე პასი გააკეთა და მთლიანობაში ოთხ გოლში მონაწილეობდა“, - წერს ნეაპოლური ვებგვერდი.

შეგახსენებთ, ხვიჩა კვარაცხელიამ ბოლოს ზუსტად ორი კვირის წინ, 13 იანვარს, „იუვენტუსის“ წინააღმდეგ ითამაშა და მერე ორი თამაში გამოტოვა „კრემონეზესა“ და „სალერნიტანასთან“, „ნაპოლი“ – „რომას“ მატჩი კი 29 იანვარს გაიმართება.

0.110339