წყალტუბოს „სამგურალის“ მთავარ მწვრთნელად გიორგი ჭელიძე დაინიშნა. ინფორმაცია იმერული გუნდის ვებგვერდმა ოფიციალურად დაადასტურა.

37 წლის სპეციალისტი აქამდე „სიონს“, „თელავს“, „შევარდენს“, „მეშახტეს“, „შუქურასა“ და „საბურთალო 2“-ს ავარჯიშებდა, ასევე მუშაობდა ქუთაისის „ტორპედოს“ სამწვრთნელო შტაბშიც.

ახალგაზრდა მწვრთნელმა „სამგურალში“ გიორგი მიქაძე შეცვალა, რომელიც რამდენიმე დღის წინ დაითხოვეს.

აქვე გეტყვით, რომ „სამგურალს“ ახალი სპორტული დირექტორი ჰყავს - მიხეილ აშვეთია, რომელიც ბოლოს ამ კლუბის სამწვრთნელო შტაბში მუშაობდა.