ჭიდაობა

18:38 | 25.12.2022 | ნანახია [] - ჯერ

ბერძნულ-რომაულ ჭიდაობაში საქართველოს ყველა ჩემპიონი ცნობილია

ბათუმში დასრულდა ბერძნულ-რომაული სტილით მოჭიდავეთა საქართველოს ჩემპიონატი, სადაც შეჯიბრების ბოლო დღეს ბოლო ხუთი წონითი კატეგორიის გამარჯვებულების და საპრიზო ადგილების მფლობელების ვინაობა გახდა ცნობილი.



60 კგ. წონითი კატეგორიის ფინალში, რომეო ბერიძემ ფრიდონ აბულაძე 10:1 დაამარცხა. 67 კგ.-ის ჩემპიონი გახდა ჯონი ხეცურიანი, რომელმაც ფინალი დიეგო ჩხიკვაძესთან ფრედ, 1:1 დაასრულა, თუმცა ბოლოს მოპოვებული ქულით მოიპოვა ჩემპიონობა. იური ლომაძემ 77 კგ.ში საჩინო დავითაია 14:9 დაამარცხა. გურამ ხეცურიანმა 87 კგ.ში ლაშა გობაძეს 7:3 მოუგო, მძიმე წონაში კი იაკობ ქაჯაიამ ზვიად პატარიძე 3:1 დაამარცხა.

დღევანდელი დღის შედეგები:

60 კგ: 1. რომეო ბერიძე (აჭარა); 2. ფრიდონ აბულაძე (აჭარა); 3. ირაკლი შავაძე (აჭარა); 3 დიმიტრი ხაჩიძე (ბორჯომი)
67 კგ: 1. ჯონი ხეცურიანი (ხობი); 2. დიეგო ჩხიკვაძე (აჭარა); 3. ლევან ქავჟარაძე (ოზურგეთი); 3. გიორგი კურტანიძე (გარდაბანი)
77 კგ: 1. იური ლომაძე (ოზურგეთი); 2. საჩინო დავითაია (სენაკი); 3. ხვიჩა ანანიძე (აჭარა); 3. თორნიკე მიქელაძე (აჭარა)
87 კგ: 1. გურამ ხეცურიანი (ქუთაისი); 2. ლაშა გობაძე (აჭარა); 3. აჩიკო ბოლქვაძე (აჭარა); 3. რამინ ჭელიძე (ოზურგეთი)
130 კგ: 1. იაკობ ქაჯაია (წყალტუბო); 2. ზვიად პატარიძე (ქუთაისი); 3. გიორგი ცოფურაშვილი (გარდაბანი); 3. სულხან ბუიძე (ქუთაისი).

პირველი 5 წონითი კატეგორიის შედეგები:

55 კგ: 1. გიორგი თოხაძე (ოზურგეთი), 2. რამაზ სილაგავა (მარტვილი), 3. რაშად ორუჯოვი (მარნეული), 3. ლუკა ჯავახაძე (ოზურგეთი).
63 კგ: 1. გიორგი შოთაძე (ლანჩხუთი), 2. ბექა გურული (რუსთავი), 3. ქერიმ მაჩალიკაშვილი (აჭარა), 3. გიორგი გუჯაბიძე (ოზურგეთი).
72 კგ: 1. რამაზ ზოიძე (აჭარა), 2. ოთარ აბულაძე (აჭარა), 3. გიორგი ჩხიკვაძე (სენაკი), 3. ნიკა ყორშია (ხობი).
82 კგ: 1. გელა ბოლქვაძე (აჭარა), 2. ბექა მამუკაშვილი (გარდაბანი), 3. ბექა გურული (რუსთავი), 3. ბექა ქობულაძე (ქუთაისი).
97კგ: 1. რობერტ კობლიაშვილი (გარდაბანი), 2. გიორგი მელია (სამტრედია), 3. ლაშა ტვილდიანი (თბილისი), 3. კახა კალანდაძე (ოზურგეთი).

გუნდური ჩათვლა: 1.აჭარა; 2. ოზურგეთი; 3. გარდაბანი

0.121996