ფეხბურთი

0:50 | 4.10.2022 | ნანახია [] - ჯერ

ზურიკო დავითაშვილის ფანტასტიკური საგოლე პასი ქუსლით! (+VIDEO)

ზურიკო დავითაშვილის ფრანგული კარიერა იდეალურად დაიწყო. ჯერ იყო და სადებიუტო მატჩში გამარჯვების გოლი გაიტანა, ამჯერად საგოლე პასი გააკეთა, თანაც ქუსლით და თანაც, ამ გოლით ჟირონდელებმა მოიგეს!

დავიდ გუონის გუნდი ლიგა 2-ის მეათე ტურში „ლავალს“ ესტუმრა და 2:1 დაამარცხა. დავითაშვილმა 82-ე წუთამდე ითამაშა, ხოლო 69-ე წუთზე ალბერტ ელისს გატანაში დაეხმარა. ზურიკომ ჰონდურასელ თანაგუნდელს პასი ქუსლით გაუკეთა და მანაც გამარჯვების გოლი გაიტანა. აღსანიშნავია, რომ საგოლე შეტევაც ზურიკომ დაიწყო და დრიბლინგით რამდენიმე მეტოქე მოატყუა.

21 წლის ქართველ ფეხბურთელს „ბორდოში“ ჩატარებულ ორ მატჩში 1 გოლი და 1 საგოლე პასი აქვს.

„ბორდო“ 10 ტურის შემდეგ 20 ქულით „ამიენთან“ ერთად ლიდერია, ხოლო მომდევნო ტურში 8 ოქტომბერს, გიორგი მიქაუტაძის „მეცს“ უმასპინძლებს.

0.103351