„პარი სენ ჟერმენის“ ფეხბურთელმა ლიონელ მესიმ კილიან მბაპესა და ნეიმარზე ისაუბრა. როგორც არგენტინელმა ვარსკვლავმა აღნიშნა, მბაპე სრულყოფილი ფეხბურთელია, რომელიც მომდევნო წლებში ერთ-ერთი საუკეთესო იქნება.
„კილიანი განსხვავებული სტილი მოთამაშეა, ნამდვილი მხეცი. ის ძლიერია ერთი-ერთზე თამაშში, ძალიან სწრაფია, ბევრ გოლს იტანს. სრულყოფილი მოთამაშეა და ამას რამდენიმე წელია ამტკიცებს. მომდევნო წლებში აუცილებლად ერთ-ერთი საუკეთესო იქნება.
ნეიმარი? მე და ნეი ერთმანეთს ძალიან კარგად ვიცნობთ. ბარსელონაში ბევრი დრო ერთად გავატარეთ, ვისურვებდი, რომ იქ უფრო მეტი ხანი ერთად გვეთამაშა, მაგრამ ცხოვრებამ პარიზში გაგვაერთიანა, ბედნიერი ვარ, რომ ერთად ვართ. მიყვარს მასთან თამაში“, - თქვა მესიმ.
