ფეხბურთი

0:54 | 26.09.2022 | ნანახია [] - ჯერ

თურქეთმა წააგო, საქართველოს ნაკრების პირველობის შანსი გაიზარდა
ყველა შესაძლო ვარიანტი პლეი-ოფის ნახევარფინალში

ერთა ლიგის მეექვსე ტურში ყაზახეთის შემდეგ თურქეთის ნაკრებმაც წააგო, რომელიც სტუმრად მოულოდნელად ფარერების ნაკრებთან 1:2 დამარცხდა.

შესაბამისად, თურქეთმაც და ყაზახეთმაც 13-13 ქულით დაასრულეს, თურქეთს 18:5-თან აქვს ბურთების შეფარდება, ყაზახებს 8:6-თან.

უკვე ცნობილია, რომ ყაზახეთის შედეგი პირველადგილოსნებში ან მესამე იქნება, ან მეოთხე. ეს მთლიანად საბერძნეთის ნაკრების შედეგზეა, რომელიც თუ შინ ჩრდილოეთ ირლანდიასთან არ წააგებს (მოგება ან ფრე), ყაზახეთს აჯობებს. ფრის შემთხვევაში საბერძნეთი მესამე იქნება, გამარჯვების შემთხვევაში კი მეორე ან პირველი. პირველი იმ შემთხვევაში თუ საქართველო გიბრალტარს ვერ მოუგებს.

საქართველოს ნაკრები გიბრალტარში სამი ქულის მოპოვების შემთხვევაში (ანგარიშს არ აქვს მნიშვნელობა) პირველი შედეგის მქონე იქნება. ამისთვის შეიძლება ფრეც ეყოს, ოღონდ იმ შემთხვევაში თუ საბერძნეთი ვერ მოიგებს. ვილი სანიოლის გუნდი თუ წააგებს, შეიძლება სულაც მესამე შედეგის მქონე გახდეს, ამიტომაც, მინიმუმ ქულა მაინც სჭირდება, რომ პლეი-ოფის ნახევარფინალის მასპინძლობის უფლება მიიღოს.

გიბრალტართან საქართველო თუ მოიგებს: საქართველოს მეტოქე ნახევარფინალში შეიძლება იყოს ყაზახეთი ან საბერძნეთი (მეტოქე დამოკიდებული იქნება საბერძნეთის შედეგზე).

გიბრალტართან ფრის შემთხვევაში: საქართველოს ნაკრები ნახევარფინალში აუცილებლად შინ ითამაშებს, მეტოქე კი შეიძლება თურქეთი, საბერძნეთი ან ყაზახეთი იყოს (გააჩნია საბერძნეთი - ჩრდ. ირლანდიის მატჩის შედეგს).

გიბრალტართან წაგების შემთხვევაში: საქართველოს ნაკრებს გიბრალტართან წაგების შემთხვევაში ასევე შეიძლება სამივე მეტოქე ერგოს - თურქეთი სტუმრად ან საბერძნეთი/ყაზახეთი შინ (დამოკიდებული ცხადია ისევ საბერძნეთის შედეგზე იქნება).

ამრიგად, საქართველოსთვის გიბრალტარში მოგება მაინც აუცილებელია, მერე კი გააჩნია, როგორ დასრულება საბერძნეთისა და ჩრდილოეთ ირლანდიის შეხვედრა. ბევრი რამ სწორედ საბერძნეთსა და მის არჩევანზე იქნება დამოკიდებული.

ევრო 2024-ის პლეი-ოფი 2024 წლის მარტში გაიმართება, მანამდე შესარჩევი ციკლი ჩატარდება და თუ საქართველო იქიდან გავა ფინალურ ეტაპზე, პლეი-ოფში არ ითამაშებს (ცხადია, იგივე ეხება თურქეთს, საბერძნეთსა და ყაზახეთს). თუ რომელიმე ჩვეულებრივი საკვალიფიკაციო ეტაპიდან გავა ევროპის ჩემპიონატზე, ერთა ლიგის ჯგუფში მეორეადგილოსანი ჩაანაცვლებს (თურქეთს ლუქსემბურგი, ყაზახეთს - აზერბაიჯანი, ხოლო საბერძნეთის ჯგუფში ჯერ უცნობია ვინ გავა მეორე ადგილზე: კვიპროსი, კოსოვო თუ ჩრდ. ირლანდია).

0.103739