გერმანული „ლაიფციგიდან“ მთავარი მწვრთნელი დომენიკო ტედესკო დაითხოვეს. ინფორმაცია ოფიციალურად დადასტურდა.

იტალიური წარმოშობის გერმანელმა სპეციალისტმა სამსახური მას მერე დაკარგა, რაც მისი გუნდი ჩემპიონთა ლიგის პირველ ტურში დონეცკის „შახტართან“ 1:4 განადგურდა.

„ლაიფციგმა“ სეზონი ცუდად დაიწყო და ბუნდესლიგაში მხოლოდ 5 ქულა მოიპოვა, „შახტართან“ მატჩამდე „აინტრახტთან“ 0:4 განადგურდა, რამაც კლუბის ხელმძღვანელობას მწვრთნელის გათავისუფლების გადაწყვეტილება მიაღებინა.