„პარი სენ ჟერმენის“ მეკარე კეილორ ნავასი „ნაპოლიში“ გადასვლაზე თანახმაა. ფრანგული და იტალიური მედიის ცნობით, მხარეები ბოლო დეტალებს აგვარებენ.

ჯერჯერობით, უცნობია მოსალოდნელი ტრანსფერის დეტალები, მაგრამ ნავასს სათამაშო პრაქტიკის მიღება სურს და ამიტომაც პსჟ-ს დატოვება გადაწყვიტა, რადგან პარიზულ გუნდში ჯანლუიჯი დონარუმასთან კონკურენცია წააგო.

მოსალოდნელია, რომ 35 წლის კოსტა რიკელი კარის დარაჯი ნეაპოლში მომდევნო კვირაში ჩავა.

შეგახსენებთ, კეილორ ნავასს „საპრისაში“, „ალბასეტეში“, „ლევანტესა“ და მადრიდის „რეალში“ აქვს ნათამაშები. კარიერის საუკეთესო პერიოდი მან სწორედ „სამეფო კლუბში“ გაატარა, ხოლო პსჟ-ში 2019 წლიდან დღემდე 106 მატჩი ჩაატარა.