„მანჩესტერ იუნაიტედის“ ლეგენდარული ფეხბურთელი რაიან გიგზი კიდევ ერთ სკანდალში გაეხვა, რომელიც ისევ ქალებს უკავშირდება.
უელსელს მისი ყოფილი შეყვარებული ქეით გრევილი ფიზიკურ ძალადობაში ადანაშაულებს და როგორც ბრიტანული მედია წერს, გიგზს ბრალდება თუ დაუმტკიცდა, პატიმრობა ემუქრება.
„მას ყოველთვის ჩემთან საწოლში დაწოლა სურდა, მაგრამ შემდეგ მიდიოდა. რამდენიმე ჩათიდან გავიგე, რომ რვა ქალთან მღალატობდა. ის სხვა ქალებსაც უწმაწური სიტყვებით მოიხსენიებდა. ერთ საღამოს კი მცემა და სასტუმროს ნომრიდან შიშველი გამაგდო“, - თქვა გრევილმა.
შეგახსენებთ, რომ რაიან გიგზს საპირისპირო სქესის წარმომადგენლებზე ძალადობაში პირველად არ ადანაშაულებენ და ამის გამო უელსის ნაკრების მთავარი მწვრთნელის პოსტის დატოვებაც მოუწია. გიგზმა მთელი საფეხბურთო კარიერა "მანჩესტერ იუნაიტედში" გაატარა, რომლის ღირსებას 1990-2014 წლებში იცავდა.
