სეზონში პირველი „ელ კლასიკო“ შედგა, მართალია, ამხანაგური, მაგრამ მაინც. ლას ვეგასში „ბარსელონამ“ მადრიდის „რეალი“ 1:0 დაამარცხა.

მატჩის ბედი კატალონიელთა ახალწვეულის, რაფინიას ულამაზესმა გოლმა გადაწყვიტა, რომელმაც საჯარიმოს მისადგომებიდან მეტოქის კარის ცხრიანი დალაშქრა. „ბარსაში“ რობერტ ლევანდოვსკის დებიუტიც შედგა.

„ბარსელონა“ მომდევნო ამხანაგურ მატჩს 27 ივლისს, ტურინის „იუვენტუსთან“ გამართავს, ხოლო „რეალი“ იმავე დღეს მექსიკურ „ამერიკას“ დაუპირისპირდება.