ბუდაპეშტის გრანდ სლემის მეორე საშეჯიბრო დღეს ლაშა შავდათუაშვილი ფინალშია და ოქროს მედლისთვის იბრძვის. დღეს ტატამიზე საქართველოს სამი წარმომადგენელი გავიდა, საიდანაც ორმა მედლის შანსი დაკარგა.
73 კგ წონით კატეგორიაში ლაშა შავდათუაშვილი პირველი წრისგან თავისუფალი იყო, ხოლო მეორე წრეში ამერიკელ დომინიკ როდრიგესს აჯობა. შემდეგ მან მონღოლი ოდბაიარ განბაატარი და იტალიელი ფაბიო ბაზილეც დაამარცხა და ნახევარფინალში გავიდა, სადაც პოლონელ ადამ სტოდოლსკისაც აჯობა. ლაშა ფინალში აზერბაიჯანელ ჰიდაიატ ჰეიდაროვს შეხვდება.
81 კგ წონით კატეგორიაში გიორგი შერაზადიშვილი და ზაურ დვალაშვილი უმედლოდ დარჩნენ. შერაზადიშვილმა პირველ წრეში ბრიტანელი ლაჩლან მურჰიდი დაამარცხა, მაგრამ მეორე წრეში საამიროების სახელით მოასპარეზე ქართველ, ნუგზარ ტატალაშვილთან მარცხი განიცადა და ასპარეზობა დაასრულა. დვალაშვილმაც შეძლო პირველი წრის დაძლევა უნგრელი ბენდეგუზ დემეტერის ძლევით, მაგრამ შემდეგ აზერბაიჯანელ ზელიმ ტჩკაევთან წააგო და მელიდ გარეშე დარჩა.
შეგახსენებთ, რომ გუშინ, ბუდაპეშტის გრანდ სლემზე ლუხუმ ჩხვიმიანმა ვერცხლის მედალი, ხოლო თემურ ნოზაძემ ბრინჯაოს მედალი მოიპოვა.
