მილანის „ინტერის“ ნახევარმცველი არტურო ვიდალი ახლოსაა „ფლამენგოში“ გადასვლასთან. ინფორმაციას ცნობილი ინსაიდერი ფაბრიციო რომანო ავრცელებს.

წყაროს თანახმად, მხარეებს შორის მოლაპარაკებები მაისში დაიწყო და ახლა ფინალურ ეტაპზეა. ვიდალი ბრაზილიურ კლუბთან 18-თვიან კონტრაქტს გააფორმებს.

გასულ სეზონში ვიდალმა 40 მატჩი ჩაატარა, 2 გოლი გაიტანა და 4 საგოლე პასი გააკეთა. მას „ინტერთან“ კონტრაქტი 2023 წლამდე აკავშირებს.

არტურო ვიდალს „ლევერკუზენში“, „იუვენტუსში“, „ბაიერნსა“ და „ბარსელონაში“ აქვს ნათამაშები.