ლონდონის „არსენალის“ 31 წლის ფრანგი შემტევი, ალეკსანდრ ლაკაზეტი, კარიერას „ლიონში“ გააგრძელებს. კონტრაქტი სამწლიანია და 2025 წლის ზაფხულამდეა გათვლილი - გვამცნობს კლუბის პრესსამსახური.
„უპირველესად კლუბის პრეზიდენტის და ხელმძღვანელობის მიმართ მინდა მადლიერება გამოვხატო, რომლებიც ბოლო კვირებში გულისხმიერად მექცეოდნენ. „ლიონში“ დაბრუნება ჩემთვის მნიშვნელოვანია. მიუხედავად იმისა, რომ ევროთასებზე არ ვითამაშებთ, კლუბის პროექტი მაინტერესებს.
მართალია, კაპიტანი არ ვიქნები, მაგრამ გასახდელში ისევ ავტორიტეტი მექნება და ახალგაზრდებს დავეხმარები. ამ ეტაპზე „ლიონში“ გადასვლა ჩემთვის საუკეთესო ვარიანტი იყო.“ - ამბობს ლაკაზეტი.
შეგახსენებთ, რომ ლაკაზეტი „ლიონში“ 2010-17 წლებში თამაშობდა.
