„ლივერპულის“ მთავარმა მწვრთნელმა იურგენ კლოპმა ჩემპიონთა ლიგის ფინალში მადრიდის „რეალთან“ მარცხის (0:1) შემდეგ კომენტარი გააკეთა. გერმანელმა სპეციალისტმა აღნიშნა, რომ მისი გუნდი მომდევნო სეზონშიც ფინალში გავა.

„სად არის ჩემპიონთა ლიგის მომდევნო სეზონის ფინალი? სტამბოლში? კარგი, უკვე დავჯავშნი სასტუმროს. თამაში? კურტუამ უმაღლეს დონეზე ითამაშა და სამწუხაროდ, გაშვებულ გოლში სანტიმეტრებმა ჩვენს წინააღმდეგ იმუშავა, თორემ თამაშგარე იქნებოდა“, - თქვა კლოპმა.

შეგახსენებთ, იურგენ კლოპისთვის ეს ჩემპიონთა ლიგის მეოთხე ფინალი იყო და მესამედ დამარცხდა. ანალოგიური შედეგი აქვს (4 ფინალი, 1 მოგება, 3 წაგება) მარჩელო ლიპის. მასზე მეტჯერ ფინალში მხოლოდ კარლო ანჩელოტია ნამყოფი, რომელმაც 5 ფინალიდან 4 მოიგო.