არგენტინის ნაკრების ყოფილმა ვარსკვლავმა, სერხიო აგუერომ, ჟურნალისტებს უთხრა, რომ გამორიცხული არ არის, საფეხბურთო კარიერა კვლავ გააგრძელოს.
„ახლახან ვიფიქრე, რომ ისევ შევძლებ ფეხბურთის თამაშს. ექიმებმა მითხრეს, ხუთი-ექვსი თვე არ შეიძლება ვარჯიშიო. მაგრამ მოუთმენლად ველი როდის შევძლებ კვლავ ფეხბურთის თამაშს.“ - ციტირებს აგუეროს სიტყვებს Sport.es.
შეგახსენებთ, რომ შარშან შემოდგომაზე აგუეროს ტაქიკარდია დაუდგინდა და 15 დეკემბერს მან კარიერის დასრულების შესახებ განაცხადა.
