თამაშგარე

11:53 | 22.03.2022 | ნანახია [] - ჯერ

რუსული ჰოკეი ბოროტების “სადარაჯოზე“

უკრაინაში რუსული ოკუპაციის დაწყების შემდეგ, სპორტის თითქმის ყველა სახეობაში რუსულ კლუბებს ევროტურნირებზე გამოსვლა აუკრძალეს და გუნდებს ისღა დარჩენიათ, ოდენ რუსეთის ეროვნულ პირველობაზე გამოსვლით დაკმაყოფილდნენ. თუმცა, ბევრს არც ეს აჩერებს და კვლავ აგრძელებენ კაცთმოძულეობას.

წარმოდგენილი ფოტო ჰოკეიში რუსეთის ჩემპიონატის ერთ-ერთი რიგითი შეხვედრის წინაა გადაღებული. ასპარეზობის წინ, მოსკოვის “დინამოს“ და კლუბ “სკა“-ს ჰოკეისტებმა ბოლო დროს რუსული არმიის და ზოგადად რუსული ფაშიზმის სიმბოლოდ აღიარებული ლათინური ასო Z გამოსახეს და ამ გზით დაუჭირეს მხარი რუსეთის საოკუპაციო არმიას.

სპორტული და არამხოლოდ სპორტული მიმომხილველები ვარაუდობენ, რომ ეს ქმედება რუსული ჰოკეის დამატებითი დასანქცირების მიზეზი შეიძლება გახდეს. მაგრამ აქვს კი აზრი დამატებით სანქციებს, როდესაც ყველა ვხედავთ, რომ როდესაც საქმე ბოროტებას და ოკუპაციას ეხება, რუსეთში სპორტიც კი არმიის ნაწილი ხდება...

0.119066