ბრაზილიის ნაკრების ნახევარმცველი ბრუნო გიმარაეში, რომელიც „ლიონის“ ღირსებას იცავდა, კარიერას „ნიუკასლ იუნაიტედში“ გააგრძელებს.
24 წლის ფეხბურთელის ტრანსფერი ოფიციალურად დადასტურდა და მან 4.5-წლიანი კონტრაქტი გააფორმა. „ლიონმა“ სამხრეთამერიკელი ნახევარმცველის სანაცვლოდ 50 მილიონი ევრო შეადგინა, საიდანაც 42 მილიონი ფიქსირებული თანხაა, 8 მილიონი კი ბონუსი.
„ნიუკასლმა“ მიმდინარე სატრანსფერო პერიოდში მანამდე „ბარნლის“ თავდამსხმელი კრის ვუდი და „ატლეტიკოს“ მცველი კირან ტრიპიერი გაიფორმა.
შეგახსენებთ, ბრუნო გიმარაეში „ლიონში“ 2020 წლის ზამთრიდან თამაშობდა და მას შემდეგ 71 მატჩში 3 გოლი გაიტანა, ბრაზილიის ნაკრებში კი 3 მატჩი აქვს ჩატარებული.
