ჩოგბურთი

15:30 | 24.01.2022 | ნანახია [] - ჯერ

ბასილაშვილი სიუჟეტს გამოეხმაურა: "ფარულად ჩაწერილი და კონტექსტიდან ამოგლეჯილია"

ქართველი ჩოგბურთელი ნიკოლოზ ბასილაშვილი ტელეკომპანია „პირველის“ მომზადებულ სიუჟეტს გამოეხმაურა, რომელსაც მან მის წინააღმდეგ შეკვეთილი უწოდა.

სიუჟეთში ნაჩვენებია ბასილაშვილისა და მისი ყოფილი მეუღლის, ნეკა დოროყაშვილის სატელოფონო საუბარი, რასაც ქართველი ჩოგბურთელი ასეთი განცხადებით გამოეხმაურა.

„მინდა გამოვეხმაურო ორი დღის წინ, ჩემს წინააღმდეგ შეკვეთილ სიუჟეტს, რომელიც სამარცხვინო ტელევიზიამ მოამზადა:

ჩანაწერები, რომლებიც გავრცელდა, არის ფარულად ჩაწერილი, კონტექსტიდან ამოგლეჯილი. არ ყოფილა სრული სახით ნაჩვენები და არ ასახავდა ნამდვილ შინაარს. ამ გადაცემით, პირველ რიგში, შეილახა ჩემი შვილის უფლებები, რომელიც სკოლის მოსწავლეა და შესაძლოა მარტივად გახდეს ბულინგის მსხვერპლი.

ჩემი შვილი არის ჩემთვის უპირველესი ადამიანი, მოტივატორი და ვფიქრობ, მხოლოდ ასეთი უზნეო ჟურნალისტების მსგავსად მოაზროვნე ადამიანებმა შეიძლება შეიტანონ ეჭვი ამაში.

ჩემი დუმილი განპირობებული არის ბავშვის ინტერესებიდან გამომდინარე და არ მსურს დეტალებზე საუბარი! მე პარალელულური მართლმსაჯულების გამართვას არ ვაპირებ და ველოდები სასამართლოს გადაწყვეტილებას”, - წერს ბასილაშვილი სოციალურ ქსელში.

0.113563