„პარი სენ-ჟერმენის“ თავდამსხმელმა, კილიან მბაპემ მომავალი წლის საკუთარ სურვილებზე ისაუბრა.
„ჩემპიონთა ლიგის მერვედფინალში მადრიდის „რეალს“ ვხვდებით. ჩემი პროგნოზი? ერთი რამ შემიძლია გითხრათ, პსჟ გაიმარჯვებს. ცხადია, 2022 წელს ბევრი რთული მატჩი გველის, მაგრამ მინდა ჩემპიონთა ლიგაც მოვიგო და საფრანგეთის ნაკრებთან ერთად მუნდიალზეც გავიმარჯვო.“ - ციტირებს მბაპეს სიტყვებს ტვიტერში ჟურნალისტი ფაბრიციო რომანო.
„პარი სენ-ჟერმენისა“ და „რეალის“ მერვედფინალური შეხვედრები გაისად, 15 თებერვალს და 9 მარტს გაიმართება. 2022 წლის მსოფლიო ჩემპიონატი კი ყატარში ნოემბერში ჩატარდება.
