ფეხბურთი

16:58 | 28.11.2021 | ნანახია [] - ჯერ

ოუენი: "პსჟ ჩემპიონთა ლიგას მესის, მბაპეს და ნეიმარის გამო ვერ მოიგებს"

ვეტერანი ინგლისელი ფეხბურთელი მაიკლ ოუენი ფიქრობს, რომ „პარი სენ ჟერმენი“ ჩემპიონთა ლიგას ვერ მოიგებს და ამის მიზეზად სამი ფეხბურთელი დაასახელა - ლიონელ მესი, ნეიმარი და კილიან მბაპე. „ლივერპულის“ ყოფილი ფორვარდის აზრით, ეს ფეხბურთელები დაცვას არ ეხმარებიან და ეს დიდი პრობლემაა.

„ამ დონის გუნდებისთვის შეუძლებელია ყველა თავდამსხმელი დაცვითი ფუნქციების გარეშე დარჩეს, მნიშვნელობა არ აქვს რამდენად ძლიერები არიან ეს სამი და არც მათ ნიჭს აქვს მნიშვნელობა. მესის, მბაპეს და ნეიმარს გუნდის უკან დახმარების სურვილი არ აქვთ, ისინი მოედანზე დასეირნობენ. ტიტულების მოსაგებად ასეთი რამის გაკეთება დაუშვებელია. შესაბამისად, პსჟ ჩემპიონთა ლიგას ვერ მოიგებს“, - თქვა ოუენმა.

შეგახსენებთ, „პარი სენ ჟერმენმა“ ჩემპიონთა ლიგის ხუთ ტურში 8 ქულა მოიპოვა და მერვედფინალში უკვე გავიდა, თუმცა მეორე ადგილით და დიდი შანსია, პლეი-ოფის პირველივე სტადიაზე ძლიერი მეტოქე შეხვდეს.

0.151487