ძიუდო

18:45 | 27.11.2021 | ნანახია [] - ჯერ

პირველად ისტორიაში - საქართველოს ნაკრები ევროპის გუნდური ჩემპიონატის გამარჯვებულია!

საქართველოს ნაკრები რუსეთის ქალაქ უფაში მიმდინარე ევროპის გუნდური ჩემპიონატის გამარჯვებულია. ჩვენი ქვეყნის გუნდი 10 ძიუდოისტით იყო დაკომპლექტებული, რომლებმაც ბრწყინვალედ იასპარეზეს და ოქროს მედალს დაეუფლნენ. მათ ნიდერლანდების ნაკრებს 4-3 სძლიეს და შერეულ გუნდურ ჩემპიონატზე უფროსებში პირველად მოიპოვეს ევროპის ჩემპიონის ტიტული.

პირველი ადგილისთვის ტატამზე პირველი 73 კილოგრამში მოასპარეზე ფრიდონ გიგანი გავიდა, რომელმაც ვან ჰარტენი მინიმალური სხვაობით, 1:0 დაამარცხა და საქართველო დააწინაურა. თუმცა, 70 კილოგრამში მარიამ ჭანტურია იაგერთან ასევე ვაზარით დამარცხდა და ანგარიში 1:1 გახდა.

საქართველოს ნაკრები წინ ლუკა მაისურაძემ გაიყვანა. 90 კილოგრამ წონით კატეგორიაში მან ტიკო ინეს დროის ამოწურვამდე 12 წამით ადრე - იპონით სძლია. 70 კილოგრამში კი სოფიო სომხიშვილმა კერენ სტივენსონთან ვაზარით წააგო და ანგარიში კვლავ გატანაბრდა. ამჯერად 2:2.

მე-5 ტატამზე ეთერ ლიპარტელიანი გამოვიდა, რომელიც კორნელიუსს დაუპირისპირდა და იპონით დამარცხდა. გადამწყვეტი კი 90 კილოგრამში მოასპარეზე საბა ინანეიშვილის დაპირიისპირება გამოდგა, რომელმაც სპაიკერსს გოლდენ სქორში იპონით აჯობა და საქართველოს ოქროს მედალი უფროოსებში ისტორიაში პირველად მოაპოვებინა.

შეგახსენებთ, რომ ქართველმა ძიუდოისტებმა საფრანგეთის ნაკრები 4-2, ავსტრია 4:0 და თურქეთის ნაკრები 4:2 დაამარცხეს. ჩვენი ქვეყნის ნაკრებში 73 კილოგრამში ალეკო მამიაშვილი და ფრიდონ გიგანი, 90 კილოგრამში ლუკა მაისურაძე და ბექა ღვინიაშვილი, +90 კილოგრამში საბა ინანეიშვილი, გელა ზაალიშვილი, ხოლო გოგონებში 57 კილოგრამში ეთერ ლიპარტელიანი, ნინო გულბანი, 70 კილოგრამში მარიამ ჭანტურია და +70-ში სოფიო სომხიშვილი გამოდიოდნენ.

0.154689